Axtarış...

Bu faktlar Sahil Babayevi yola salmaq üçün yetərlidir... - İTTİHAM

Bu faktlar Sahil Babayevi yola salmaq üçün yetərlidir... - İTTİHAM



Sahil Babayev hər yerdə olkənin birinci xanımının adini hallandırmaqla (Əslində Sahil Babayevin kimin kadri olduğunu, Xaç atasınınn onu hansi yollarla hakimiyyətin içinə və hansı niyyətlə saldığı haqda ayrıca yazımız olacaq) xalqı hakimiyyətdən və kölgəsinə sığındığı ölkənin birinci ailəsindən incik salmaqla məşğuldur.

Əmək və Əhalinin Sosial Müdafiəsi naziri Sahil Babayev dövlət başçısının ona verdiyi vəzifə və səlahiyyətlərdən sui-istifadə edərək birdən-birə varlanma yolunu seçdi. Onun qılıncdan iti tamahı və varlanma tələskənliyi xalqın hakimiyyətdən narazılığına səbəb olur. Sahil Babayevin Əmək və Əhalinin Sosial Müdafiəsi Nazirliyində formalaşdırmağa çalışdığı idarəetmə modeli rüşvətin və korrupsiyanın əhatəsini, həcmini və sxemini hakimiyyət dairələrindən gizlətməyə hesablanıb. O, xalqa xidmət etmək və əhalinin sosial vəziyyətini yaxşılaşdırmaq əvəzinə xalqa müharibə elan edib. Onun Nazirliyə topladığı jurnalist briqadası düşmən üzərinə hücum çəkən döyüşçü məntiqi ilə Azərbaycan xalqını hədəf seçib. Öz sosial problemlərini dilə gətirən və nazirliyin fəaliyyətindən narazı qalan vətəndaşlara həmin jurnalist dəstəsi tərəfindən hücüm edilir. Sahil Babayev və adamları tərəfindən xalq həmişə təhqir olunur. O ali təhsilli insanlara süpürgəçilik peşəsi üzrə iş təklif edir və bunu qəbul etməyən vətəndaşları kobud ifadələrlə təhqir və ittiham edir. Dünyanın heç bir ölkəsində Sahil Babayevin məntiqsizliyi ilə işləyən dövlət məmuru yoxdur. O, hər yerdə olkənin birinci xanımının adini hallandırmaqla xalqı hakimiyyətdən və kölgəsinə sığındığı ölkənin birinci ailəsindən incik salmaqla məşğuldur. O yalnız özünə qazanc gətirən sosial paketlərin icrasında maraqlıdır. Şəhid ailələrinə verilən 11000 manatlıq birdəfəlik siğorta ödənişi zamanı və koronavirus pandemiyası ilə bağlı karantin dövründə işsiz vətəndaşlara verilən 190 manatlıq müddətli müavinatla bağlı ortaya qoyduğu mövqe bunun bariz nümunəsidir. Sahil Babayevin bu qəbildən çox sayda uğursuzluqlarını və fəaliyyətsizliklərini misal göstərmək olar. Halbuki bu cür sosial layihələrdən düzgün istifadə edilsəydi, hakimiyyət lehinə təbliğat predmetinə çevrilərdi. Lakin, bu nazirin maraqlarını qarşılamadığı üçün həmin sosial paketlər dövlətin əleyhinə təbliğat vasitəsinə çevrildi.

Hesab edin ki, nazir xəstə heyvanların əhaliyə verilməsinə müsbət, şəhid ailələrinə verilən nəğd vəsaitlərə isə mənfi münasibət bildirir. Lakin, hər iki sosial paketin qeyri-peşəkar icrası xalqda hakimiyyətə qarşı inamsızlıq yaratdı. Bütün hallarda Sahil Babayevin qeyri-peşəkar fəaliyyəti insanları yoxsullaşdırır və xalqın dövlətdən narazılığını artırır. Hansı kanalı açırsan, Talıblı, Omanqızı, Nəcməddinqızı və sairlər danışır… Ancaq yalan danışırlar! Nazirlik sosial şəbəkələrdə xalqla çəkişir. Nazir xalqa verəcəyi sosial ödənişlərdən danışmaq yerinə sevinclə bu ödənişi ala bilməyənlərin əhatəsini sadalayır. Dediyindən anlaşılır ki, dövlətin vermək istədiyi ödəniş heç kimə düşmür. Ancaq korrupsiya hallarının yüksək olduğu sosial layihələri isə sevinclə və həvəslə sadalayır. Məsələn özünəməşğulluq proqramını, mənzil təminatı məsələsini, inzibati binaların tikilməsini və avadanlıqların alınmasını buna misal göstərmək olar. Ona görə ki, bu layihələrdən milyonlar çırpışdırılır. Passiv sosial layihələrdən isə qazanc əldə edə bilmir. Ona görə də, Sahil Babayev xalqın sosial durumuna özünün biznes marağından baxır. O, həmişə yuxarıda sadalanan gəlirli proqramların genişləndirilməsinə çalışır.

Bu gün onun sərəncamında İşsizlikdən Siğorta Fondunun və Dövlət Sosial Müdafiə Fondunun yüz milyonlarla ölçülən büdcəsi durur. O bu vəsaiti öz şəxsi maraqları üçün istifadə edir. Növbəti yazılarımızda satınalmalar üzrə nazirliyin korrupsiyalaşan fəaliyyətindən söz ediləcək. Ancaq bu yazıda nazirin uğursuz kadr siyasəti və yalanlarla qurulan kariyerası əhatə olunacaq.

Elchi.az-a daxil olan məlumata görə, İqtisadiyyat Naziri Mikayıl Cabbarov Əmək və Əhalinin Sosial Müdafiəsi naziri Sahil Babayevin bu cür korrupsiyalaşan fəaliyyətinə qarşı çıxdığı haqda müxtəlif fikirlər səslənir. Hətta bildirilir ki, Sahil Babayevin özünəməşğulluq tenderinin qalibi olan şirkətinin hesabı nazir Mikayıl Cabbarov tərəfindən nəzarətdə saxlanılır. Redaksiyamıza daxil olan məlumatda o da bildirilir ki, Sahil Babayevin qaynatasının sağlamlığında ciddi problem yaranıb və o bu səbəbdən infakt keçirərək dünyasını dəyişib. Həmin şirkəti Sahil Babayevin qaynatası vəfat edənə qədər özü idarə edib və hazırda Eyyub adlı şəxs tərəfindən idarə olunur. Onlar Qarabağ kanalı sahillərində icarəyə götürdükləri fermada ucuz qiymətə aldıqları iri buynuzlu 8-10 qarın doğan passiv və yararsız heyvanları bir neçə ay kökəldərək vətəndaşlara aktiv olaraq verirlər. Bərdə rayonunda əhali Sahil Babayev haqqında tük ürpərdən faktlar və iddialar irəli sürür. Onun həm özünün (Dusya Minasyan – bu adın və Azərbaycanda yaşayan və vəzifələrə çəkilən erməni kökənli digər məmurların erməni qohumlarının Sahil Babayevin atasi Rafiq Babayev tərəfindən milliləşdirildiyi haqda başqa yazıda söz açacağıq), həm də həyat yoldaşının anasının erməni əsilli olduğu bildirilir. Xalq erməni əsilli birinin erməni vandallarının şəhid etdiyi və yaraladığı şəxslərin ailələrinə xidmət edən bir quruma rəhbər təyin olunmasını yaxşı qarşılamır. Ona görə də, heç bir azərbaycanlı bu erməni balasının sürətlə inkişaf edən kariyerasını qəbul etmir. Ermənistanda bir nəfərdə olsun Azərbaycan əsilli şəxs yüksək vəzifə tutmur. Sahil Babayevin də, bu cür strateji quruma rəhbərlik etməsi müsbət hal deyil. Prezidentə bu təqdimatla bağlı yalan məlumat verənlər mütləq cəzalandırılmalıdır.

Sahil Babayev öz çulunu sudan çıxarmaq üçün bir sıra hakimiyyət nümayəndəsinin fəaliyyətinə kölgə salır. Dövlət Təhlükəsizlik Xidmətinin rəisi Əli Nağıyevin peşəkar fəaliyyəti Azərbaycan xalqı tərəfindən təqdir olunur. O DTX-nin Biləsuvar rayonunda keçirdiyi əməliyyat zamanı Biləsuvar rayon Məşğulluq Mərkəzinin direktoru Mübariz Mustafayevin həbsinə başqa don geyindirməsi və onu güya işində yol verdiyi nöqsanlara görə daha əvvəl işdən azad etməsi xəbəri əhali arasında gülünc doğurdu. O bu yolla DTX-nın peşəkarlığına kölgə salmağa çalışdı. Hər halda DTX həbs etdiyi şəxsin kimliyini və əməlindəki qanun pozuntularını yaxşı bilir. Bilməsəydi bu qədər peşəkar əməliyyatlar həyata keçirilə bilməzdi. Nazir Sahil Babayev Biləsuvar rayon Məşğulluq Mərkəzinin direktoru Mübariz Mustafayev haqqında işdən çıxma əmrini geri tarixə 24 aprel 2020-ci tarixə verib. Dövlət qulluğu haqqında qanunun 33.1.1. maddəsi ilə öz arzusu ilə işinə xitam verilməsi hüquqi qüvvəyə minib. Lakin, Sahil Babayev DTX-ya kələk gəlməkdən çəkinmir. Narahat edici məqam odur ki, Sahil Babayev xalqı incidir və vətandaşları dövlət başçısından narazı salır. Eyni zamanda o yalanlarla hakimiyyət dairələrindən çaşqınlıq yaradır. Atalar demişkən yalan ayaq tutar ancaq yeriməz. İnanırıq ki, onun bu yalanları ayaq tutsada yeriməyəcək.
Elchi.az


Daha çox xəbər

Şərh yaz