DTX-nın həbs etdiyi başçı: "Çox utanıram, vicdan əzabı çəkirəm" - VİDEO

Xəbər verdiyimiz kimi, Dövlət Təhlükəsizlik Xidməti (DTX) Biləsuvar İcra Hakimiyyətinin binasındakı xüsusi əməliyyatın videosunu yayıb.

Yeniavaz.com xəbər verir ki, əməliyyat zamanı ifadə verən icra başçısı Mahir Quliyev törətdiyi əməllərə görə utandığını bildirib:
“Bu kimi əməllərə görə, əlbəttə ki, peşmanlığımızı çəkirik. Mən şəxsən özüm buraxdığım səhvlərə, bugünkü durumuma görə çox utanıram, vicdan əzabı çəkirəm”.

Qeyd edək ki, Dövlət Təhlükəsizliyi Xidmətində aparılan cinayət işi üzrə Mahir Quliyev vəzifə səlahiyyətlərindən sui-istifadə etmə, təkrar rüşvət alma, mənimsəmə faktlarına görə Azərbaycan Respublikası Cinayət Məcəlləsinin müvafiq maddələri ilə məsuliyyətə cəlb edilərək barəsində məhkəmənin qərarı ilə həbs qətimkan tədbiri seçilib.