Axtarış...

İlham Əliyev yunan-Roma güləşi üzrə komandamızı təbrik etdi - FOTO



Azərbaycan Respublikasının Prezidenti İlham Əliyev yunan-Roma güləşi üzrə milli komandamızın Avropa çempionatında möhtəşəm uğur qazanması münasibətilə özünün “Twitter” səhifəsində paylaşım edib.

Oxu.Az xəbər verir ki, paylaşımında deyilir:

“Avropa çempionatında yunan-Roma güləşi üzrə tarixdə ilk dəfə altı medal qazanan milli komandamızın möhtəşəm qələbəsi münasibətilə idmançılarımızı, məşqçilərimizi və bütün Azərbaycan xalqını ürəkdən təbrik edirəm”.

Xatırladaq ki, İtaliyanın paytaxtı Romada keçirilən Avropa çempionatında yunan-Roma güləşi üzrə milli komandamız tarixində ilk dəfə rekord sayda - altı medal qazanıb. Sənan Süleymanov (77 kq) və Rafiq Hüseynov (82 kq) bütün rəqiblərinə qalib gələrək Avropa çempionu olublar. Eldəniz Əzizli (55 kq), Murad Bazarov (60 kq), Ülvi Qənizadə (72 kq) və İslam Abbasov (87 kq) isə üçüncü yeri tutublar.

Beləliklə, iki qızıl və dörd bürünc medal qazanan millimiz 116 xal toplayaraq komanda hesabında ikinci olub.

İlham Əliyev yunan-Roma güləşi üzrə komandamızı təbrik etdi - FOTO



Şərh yaz