Rusiyalı milyarderlər rekord həddə varlanıb.
Belə ki, Rusiyadan olan 26 varlı şəxsin sərvətind son 4 ilin ən yüksək artım qeydə alınıb və rəqəm 52,9 milyarda çatıb.
Cebhe.info xəbər verir ki, bu barədə "Bloomberg" yazıb.
Nəşrin yazdığına görə, jurnalın "Bloomberg Billionaires Index (BBI)" indeksi əsasən şirkətlərin səhmlərinin dəyəri ilə ölçülür. Milyarderlərin bu səhmlərdəki payı onlara əlavə vəsait qazandırır. Ümumilikdə Billionaires Index (BBI) reytinqi dünya üzrə 500 milyarderi əhatə edir ki, bu siyahıda 23 nəfər Rusiyadandır.
Rusiyalılar arasında liderliyini Vladimir Potanin qoruyur. Onun 28,2 milyardlıq sərvətində 8,5 milyard dollar artım olub. İkinci yerdə Leonid Mixelson dayanır. O, 24,6 milyard dollar sərvətini 5,2 milyard dollar artırıb. Üçüncü yerdə azərbaycanlı vahid Ələkbərov dayanır. Həmyerlimizin 22,3 milyard dollarlıq sərvəti 6,22 milyard dollar da artıb.
Xatırladaq ki, bundan əvvəl "Forbes" ənənəvi siyahısını açıqlamışdı. Bu siyahı da "Bloomberg"in siyahısı ilə üst-üstə düşür.
Məlumat üçün bildirək ki, varlı rusiyalıların 10 faizi ölkədəki ümumi şəxsi sərvətin 83 faizinə nəzarət edir. Bu rəqəm ABŞ-dakından çoxdur. Ordada milyarderlərin 10 faizi ölkə üzrə cəmi şəxsi sərvətin ancaq 76 faizinə nəzarəti əlində cəmləşdirib. Rusiya bu siyahıda Çini də qabaqlayıb. Çind 10 faiz varlı şəxsi sərvətin cəmi 60 faizi üzərində söz sahibidir.
