Suriyanın şimalındakı “təhlükəsizlik bölgəsi”ndə Türkiyə və Rusiya hərbçiləri birgə patrul xidmətinə başlayıb.
Redaktor.az xəbər verir ki, bu barədə Türkiyənin NTV televiziyası məlumat yayıb. Bildirilib ki, hərbçilər bu gün səhər saatlarından başlayaraq, Türkiyə sərhədindən 10 kilometr məsafədə patrul xidməti həyata keçirməyə başlayıb.
Qeyd edək ki, oktyabr ayının 22-də Soçidə Ankara və Moskva arasında bu barədə razılaşma əldə edilib.
