Axtarış...

5 milyon dollarlıq dələduzluq: - həbs edilən şəriklərdən biri digərindən şikayətçidir

5 milyon dollarlıq dələduzluq: - həbs edilən şəriklərdən biri digərindən şikayətçidir

5 milyon dollarlıq dələduzluqda ittiham olunan şəxslər növbəti dəfə məhkəmə önünə çıxarılıb.

Musavat.com xəbər verir ki, Bakı Ağır Cinayətlər Məhkəməsində külli miqdarda dələduzluqda təqsirləndirilən 1981-ci il təvəllüdlü Faiq Məmmədov və 1984-cü il təvəllüdlü Fuad Bayramovun cinayət işi üzrə məhkəmə iclası keçirilib.

Hakim Mahmud Ağalarovun sədrliyi ilə keçirilən məhkəmənin hazırlıq iclasının davamında zərərçəkmişlərin məhkəmə mülki iddia ilə müraciət etdikləri elan edilib.

Məlum olub ki, zərərçəkmişlərin hər birinin məhkəməyə mülki iddiası daxil olub.

Daha sonra təqsirləndirilən Faiq Məmmədov məhkəmədən söz istəyib. Bildirib ki, onun özü də zərərçəkmişdir. Belə ki, o da digər təqsirləndirilən Fuad Bayramovun əməllərindən zərər çəkdiyini deyib. Faiq Məmmədov məhkəməyə mülki iddia təqdim edib.

Faiq Məmmədovun vəkili isə vəsatət verərək bildirib ki, iş üzrə zərərçəkmişlər müdafiə etdiyi şəxsdən şikayətçi deyil və onlarla barışıq əldə edilib. Vəkil müdafiə etdiyi şəxs barəsində cinayət işinə xitam verilməsini istəyib.

Digər təqsirləndirilən Fuad Bayramovun vəkili vəsatətlərlə tanış olmaq üçün məhkəmədən vaxt istəyib.

İttihama görə hər iki şəxs "MƏK-AN" MTK-nın rəhbər şəxsləri olub.

Belə ki, Fuad Bayramov "MƏK-AN" MTK-nın təsisçisi, Faiq Məmmədov isə şirkətin vəzifəli şəxsi olan zaman bina tikintisi və təchizat işləri ilə məşğul olan zaman ümumilikdə 44 vətəndaşa qarşı 5 milyon dolları dələduzluq edib.

Daha əvvəl Faiq Məmmədov mətbuatda açıqlamasında bildirib ki, Fuad Bayramovun maliyyə fırıldağının qurbanı olub.

Qeyd edək ki, adı çəkilən şirkətin rəhbər şəxsləri olan Məmmədov və Bayramov eyni mənzili bir neçə nəfərə satmaqda ittiham edilirlər.

Onlara qarşı dələduzluq, yəni etibardan sui-istifadə etmə və ya aldatma yolu ilə özgənin əmlakını ələ keçirmə və ya əmlak hüquqlarını əldə etmə, qabaqcadan əlbir olan bir qrup şəxs tərəfindən törədildikdə, təkrar törədildikdə, şəxs tərəfindən öz qulluq mövqeyindən istifadə etməklə törədildikdə maddələri ilə ittiham edilir.


Daha çox xəbər

Şərh yaz