Azərbaycan, Rusiya və İran prezidentlərinin növbəti üçtərəfli görüşü Rusiyada keçiriləcək.
Bununla bağlı Rusiyanın Azərbaycandakı səfiri Mixail Boçarnikov məlumat verib.
O bildirib ki, görüş ilin sonunadək baş tutacaq.
Görüş zamanı tərəflərin dövlətlərarası strateji tərəfdaşlığın daha da inkişaf etdirilməsini, müxtəlif sahələrdə əməkdaşlığın genişləndirilməsini, dostluq və humanitar əlaqələrin möhkəmləndirilməsi perspektivlərini müzakirə ediləcəyi gözlənilir.
Rusiya, Azərbaycan və İran liderləri arasında ilk görüş 2016-cı ildə Bakıda, ikinci görüş isə 2017-ci ilin noyabrında Tehranda keçirilib.
