"Gəncə Dövlət Universitetində Pedaqoji fakültədə imtahanlardan, kollekviumlardan, aylığa buraxılan tələbələrdən "əhmət haqqını" birbaşa dekan Bayram Apoyev yığır. Bu şəxs mövzu götürüb doktorluq dissertasiyası müdafiə etmək istəyir. Demək olar ki,elmi tədqiqat işi aparmasa belə, doktorluq dissertasiyası artıq hazırdır.Bu şəxsin pul yığmaqdan nə vaxt başı açıldı ki, elmi tədqiqat işi ilə məşğul oldu?" Bu barədə DİA.AZ-a göndərilən məqalədə qeyd olunur.
Daha sonra bildirilir: "Pedaqoji fakültənin hazırki dekanı Apoyev Bayram Fəti oğlu 20 ildir ki,dekan işləyir. Onun doktorluq dissertasiyasının mövzusu Nizami Gəncəvinin yaradıcılığı ilə əlaqəlidir.Hazır dissertasiya işi tapana qədər bir neçə dəfə doktorluq dissetasiya işinin adı dəyişdirilmişdir.Heç bir elmi yaradıcılıq məzuniyyətində, heç bir kitabxanada olmayıb. Maraqlıdır,elmi-tədqiqat işini bu adam harada aparıb?Bu şəxs bütün günü tələbələrdən pul yığmaqla məşğuldur.
Bayram Apoyev özü dəfələrlə etiraf edib ki, "Ali Attestasiya Komissiyasında mənim yaxın adamım var,ona 30000 manat vermişəm, ekspertdən də keçmişəm, mənim adamım var,kim istəsə ona kömək də edə bilərəm.Ali Attestasiya Komissiyasındakı yaxın adamım 30000 manat alıb doktorluq dissertasiyasını təsdiq elətdirir".
Məlumunuz edirəm ki, Bayram Apoyevin doktorluq dissertasiyasını pedaqogika üzrə elmlər doktoru, professor Akif ABBASOV yazıb.Bayram Apoyevin özünün bu dissetasiasiya işindən ümumiyyətlə, xəbəri belə yoxdur.Bayram Apoyev deyir ki, yaxın günlərdə dissertasiya işim AAK tərəfindən təsdiq olunacaq və diplomumu alacam.Bütün bunlar Ali Attestasiya Komissiyasında işləyən bəzi şəxslərin korrupsiyaya bulaşdığını göstərir".(DİA.AZ)
