Axtarış...

Gömrük Komitəsi və Vergilər Nazirliyi birləşməsi yenidən gündəmdə... - İDDİA

Gömrük Komitəsi və Vergilər Nazirliyi birləşməsi yenidən gündəmdə... - İDDİA

Dünən prezident İlham Əliyev bir sıra dövlət qurumlarını, habelə Müdafiə Sənayesi nazirliyini ləğv etdi ki, bu da gözlənilən idi. Çünki dövlət başçısı Nazirlər Kabinetinin son toplantısında net şəkildə gözlənilən stuktur islahatlarını ifadə etmişdi və gözlənilir ki, proses bundan sonra da davam etsin.

DİA.AZ bildirir ki, bu arada çoxdan bəri proqnozlaşdırılan bir məqam yenidən gündəmə daşınmaqdadır. Söhbət Vergilər Nazirliyi ilə Dövlət Gömrük Komitəsinin eyni çatı altında birləşdirilməsindən gedir. Və prezidentin son addımları belə deməyə əsas yaradır ki, sözügedən islahat da həyata keçirilə bilər.

Bununla bağlı redaksiyamızı bilgiləndirən mötəbər mənbə iddia edir ki, həqiqətən də Vergilər Nazirliyi və Dövlət Gömrük Komitəsi vahid bir qurumda birləşə bilər.

Dia.az-a daxil olan məlumatlara görə, tezliklə Dövlət Gömrük Xidmətinin və Vergilər Nazirliyinin inteqrasiyası yolu ilə vahid fiskal orqan yaradılacaq. Bu da dövlətə həmin xidmət vasitəsilə tamamilə sabit gəlir əldə etməyə imkan verəcək. Bu manevrdə məqsəd təkrarlanmanı aradan qaldırmaq və idarəetmənin səmərəliliyini gücləndirən sinergetik effekt əldə etməkdir.

Məlumatlı mənbə bu barədə dia.az-a danışır: “Dünyada belə yanaşma çərçivəsində uğurlu nümunələr çoxdur. Amma əks nəticələr də olub. Dünya praktikasında qurumların iri və əməliyyat baxımından yöndəmsiz, nöqsanlı səlahiyyət bölgüsü olan strukturlara inteqrasiyası təcrübəsi olub, bu zaman müxtəlif departamentlər onlara uyğun olmayan funksiyalar əldə edib. Ona görə də qərarların qəbulu çox vaxt əsassız olaraq uzun vaxt aparır, bəzən isə yenidən baxılmağı tələb edirdi. Birləşmənin müsbət nəticələri də olub: birgə vergi-gömrük yoxlamaları, qanunvericilik normalarının eyni cür anlaşılması, iki xidmət arasında tam informasiya mübadiləsinin yaradılması. Azərbaycanda kadrlar çox şeyi həll edir. Çünki hökumət strukturları vəzifəyə görə yaradılır, əksinə yox. Hesab edirəm ki, yeni fiskal orqana vergilər naziri Mikayıl Cabbarov rəhbərlik edəcək".

Mənbə onu da əlavə edib ki, son toplantıda prezidentin DGK-nin fəaliyyətindən razılıq etməsi belə sözügedən prosesin gündəmdən düşməsi anlamına gəlmir: "Təbii ki, elə bir rəy var: yəni burada söhbət ondan gedir ki, Səfər Mehdiyevin işi təqdir olunub və DGK-nin ləğvi birdəfəlik olaraq gündəmdən çıxıb. Bu, heç də belə deyil. Çünki tədarüklər tamam başqa yöndədir".

Əlavə bilgilərimiz olacaq. Bizi izləməkdə davam edin...DİA.AZ


Daha çox xəbər

Şərh yaz