Gəncə şəhər sakini Sənan Verdiyev 1 saylı Sağlamlıq İmkanları Məhdud Gənclərin Peşə Reabilitasiya Mərkəzinə qəbul ala bilmədiyi üçün redaksiyamıza müraciət edib.
Şikayətçi “Qafqazinfo”ya bildirib ki, birinci qrup əlil olduğundan 2015-ci ildə mərkəzdə reabilitasiya keçib. 2 il sonra yenidən müraciət etsə də, sənədləri qəbul olunmayıb. Səbəb kimi isə ruhi dispanserdə qeydiyyatda olması göstərilib:
“Epilepsiyam olduğu üçün 1999-cu ildə ruhi dispanserdə qeydiyyatdan keçmişəm. Bunu səbəb kimi göstərib məni mərkəzə qəbul etmirlər. Bəs necə olur 2015-ci ildə heç bunun adı da çəkilmədi, indi ruhi xəstə oluram?”
Məsələylə bağlı 1 saylı Sağlamlıq İmkanları Məhdud Gənclərin Peşə Reabilitasiya Mərkəzinin əməkdaşı İlhamə Məmmədova “Qafqazinfo”ya bildirib ki, 2015-ci ildə mərkəzə qəbul sənəd əsasında olunurdu. Hazırda isə qəbul göndəriş əsasında aparılır:
“Dövlət Sosial Müdafiə Fondu tərəfindən göndəriş olmasa, bizim kimisə mərkəzə qəbul etmək ixtiyarımız yoxdur”.
