Sentyabrın ilk günlərindən etibarən ölkənin bir sıra rayon və şəhər icra hakimiyyətlərinin başçıları dəyişdiriləcək.
Bu barədə DİA.AZ-a məlumatlı mənbələrdən informasiya daxil olub. Saytımızı bilgiləndirən mənbənin sözlərinə görə, son zamanlar hökumət strukturlarında aparılan yerdəyişmələr seçkidən sonra daha kütləvi hal alacaq. İlkin olaraq, əhalinin illərdir ki, etimadsızlığını qazanan icra başçıları bu prosesdə yola salınacaq.
Mənbəmimiz dövlətin müvafiq qurumlarının ötən müddətin yekunları ilə bağlı hazırladığı hesabatın da buna xidmət etdiyini deyib.
Qeyd edək ki, həmin hesabat məqalələrində Yevlax, Ağcabədi, Ağdaş, Ağstafa, Astara, Balakən, Beyləqan, Cəbrayıl, Göyçay, Göygöl, Quba, Neftçala, Saatlı, Samux, Şəmkir, Yardımlının icra başçıları “vurulub”.DİA.AZ
