Zoopark köçürülür

Zoopark köçürülür

Bakı Zooloji Parkı təmirə bağlanacaq.

Bunu Oxu.Az-a açıqlamasında parkın direktoru Azər Hüseynov bildirib.

Onun sözlərinə görə, zooparkdakı heyvanların köçürülməsi üçün hazırda işlər həyata keçirilir:

"Zoopark ərazisi iki hektar artırılır. Qaradağ rayonunda heyvanların müvəqqəti saxlanılması üçün yer hazırlanır. Heyvanlar buradan çıxarılan zaman onlara uyuşdurucu iynələr vurulacaq, yatırdılacaq və həmin əraziyə köçürüləcək".

Azər Hüseynov qeyd edib ki, zooparkın ərazisi təmir olunduqdan sonra heyvanlar yenidən əraziyə qaytarılacaq:

"Parkın ərazisi dörd hektara çatdırılacaq ki, bu zaman ayının, şirin, tülkünün yeri böyük və təbiətdə yaşadığı yerə uyğun olacaq. Bu istiqamətdə işlər davam etdirilir. Heyvanları köçürmək çətin olduğu üçün payız aylarında nəzərdə tutulub".
Oxşar xəbərlər
«    Август 2018    »
ПнВтСрЧтПтСбВс
 12345
6789101112
13141516171819
20212223242526
2728293031 
Mədəniyyət